Kjo kontratë lidhet midis:

1.“eMjeku L.L.C” një subjekt me adresë në Rr. Enver Topalli, 131, Ferizaj, referuar më tej si "Ofruesi i Shërbimit".

2.[Emri i Pacientit], me adresë në [Adresa e Pacientit], [Qyteti], referuar më tej si "Pacienti".

Preambulë:

Kjo kontratë rregullon përdorimin e shërbimeve të telemjekësisë të ofruara nga Ofruesi i Shërbimit për Pacientin. Duke u regjistruar në platformën “eMjeku”, Pacienti bie dakord të respektojë kushtet e mëposhtme.

1. Objekti i Kontratës

Ofruesi i Shërbimit do të ofrojë shërbime të telemjekësisë për Pacientin, përfshirë konsultime mjekësore në distancë, këshillim dhe monitorim shëndetësor, sipas nevojave të Pacientit dhe në përputhje me ligjet dhe rregulloret e aplikueshme.

2. Regjistrimi dhe Përdorimi

- Pacienti duhet të krijojë një llogari personale në platformën “eMjeku” për të përdorur shërbimet.

- Pacienti është përgjegjës për dhënien e informacionit të saktë dhe të përditësuar gjatë regjistrimit.

- Pacienti duhet të ruajë konfidencialitetin e kredencialeve të tij dhe të mos i ndajë ato me persona të tjerë.

3. Shërbimet e Ofruara

- Pacienti do të ketë akses në konsultime mjekësore në kohë reale përmes video thirrjeve.

- Pacienti mund të rezervojë takime me mjekët përmes platformës duke përdorur butonin "Rezervo".

- Pacienti do të marrë rekomandime mjekësore, receta dhe çdo informacion tjetër të nevojshëm përmes platformës ose email-it të siguruar gjatë regjistrimit.

4. Privatësia dhe Siguria

4.1 Përmbledhje

Politika jonë e privatësisë përshkruan mënyrën se si i mbledhim, përdorim dhe mbrojmë të dhënat tuaja personale dhe shëndetësore. Ne jemi të përkushtuar për të ruajtur privatësinë tuaj dhe për të siguruar që të dhënat tuaja janë të mbrojtura sipas rregulloreve të GDPR dhe ligjeve përkatëse në Kosovë.

4.2 Të Dhënat që Mbledhim

Gjatë regjistrimit dhe përdorimit të platformës, ne mbledhim informacion personal dhe mjekësor, përfshirë:

* Emrin, mbiemrin, datën e lindjes,nr perosnal,adresen,qytetin dhe informacionet e kontaktit si adresën e email-it dhe numrin e telefonit.

* Historinë mjekësore, gjendjet shëndetësore dhe çdo informacion tjetër të nevojshëm për ofrimin e shërbimeve tona.

4.3 Përdorimi i Të Dhënave

Të dhënat tuaja do të përdoren për:

* Ofrimin e shërbimeve mjekësore, konsultime dhe rekomandime të personalizuara.

* Lidhjen me mjekët dhe për dërgimin e recetave mjekësore ose informacioneve të tjera përmes platformës.

* Ne nuk ndajmë të dhënat tuaja me palë të treta, përveç kur kjo është e nevojshme për ofrimin e shërbimeve ose kur kërkohet nga ligji.

4.4 Siguria e Të Dhënave

Të dhënat tuaja janë të mbrojtura nga teknologji dhe procedura të avancuara, duke përfshirë enkriptimin e të dhënave dhe sistemet e sigurisë së lartë për të parandaluar qasjen ose përdorimin e paautorizuar. Platforma jonë është në përputhje me rregulloret ndërkombëtare si GDPR, HIPAA dhe HITECH.

4.5 Ruajtja e Të Dhënave

Të dhënat tuaja personale dhe shëndetësore do të ruhen për aq kohë sa është e nevojshme për ofrimin e shërbimeve tona dhe për të përmbushur detyrimet ligjore.

4.6 Të Drejtat Tuaja

Të dhënat tuaja personale dhe shëndetësore do të ruhen për aq kohë sa është e nevojshme për ofrimin e shërbimeve tona dhe për të përmbushur detyrimet ligjore.

4.7 Ndryshimet në Politikat e Privatësisë

"eMjeku L.L.C" rezervon të drejtën për të përditësuar këto politika privatësie kur është e nevojshme. Ndryshimet do të publikohen në platformë dhe do të hyjnë në fuqi pas 14 ditëve nga njoftimi.

4.8 Kontaktet

Nëse keni pyetje ose shqetësime në lidhje me politikat tona të privatësisë, mund të na kontaktoni në: zyraligjore@emjeku.com

5. Pagesa dhe Tarifat

Pacienti bie dakord të paguajë tarifat e caktuara për shërbimet e telemjekësisë, siç përshkruhet në faqen e çmimeve të platformës.

Pagesat do të kryhen përmes bankës në intervale kohore prej 3, 6, 12, 24, 48 ose 60 muaj. Nuk ofrohet mundësi për pagesa në platformë.

Pagesat janë të detyrueshme për periudhën e caktuar dhe nuk ka rimbursim pas periudhës 14-ditore.

6. Detyrimet e Pacientit

Pacienti bie dakord të ndjekë udhëzimet mjekësore të dhëna nga mjekët e platformës.

Pacienti është përgjegjës për përgatitjen e duhur për konsultimet, përfshirë check-in në platformë të paktën 5 minuta para takimit të caktuar.

Pacienti është i detyruar të paguajë tarifat e regjistrimit dhe të shërbimeve të paktën çdo 3 muaj. Në rast të mos pagesës brenda afatit të caktuar, Pacienti mund të përballet me ndjekje ligjore nga një përmbarues privat për mbledhjen e borxhit të papaguar.

7. Përgjegjësia

Ofruesi i Shërbimit nuk është përgjegjës për dështimet që vijnë nga çështjet teknike të jashtme ose për përdorim të papërshtatshëm të platformës nga Pacienti.

Pacienti është përgjegjës për vendimet e marra bazuar në informacionin e marrë përmes platformës.

8. Ndërprerja e Shërbimeve

Pacienti mund të ndërpresë shërbimet vetëm brenda 14 ditëve nga regjistrimi. Pas këtij afati, kontrata do të vazhdojë deri në përfundimin e periudhës së caktuar prej 24, 48, ose 60 muaj.

Ofruesi i Shërbimit rezervon të drejtën të ndërpresë shërbimet për Pacientin në rast të shkeljes së kushteve të kësaj kontrate.

9. Ndryshimet dhe Amendamentet

Ofruesi i Shërbimit mund të ndryshojë këtë kontratë në çdo kohë. Pacienti do të njoftohet për ndryshimet përmes email-it ose një njoftimi në platformë.

Çdo ndryshim do të hyjë në fuqi pas 14 ditëve nga data e njoftimit.

10. Ligji dhe Jurisdiksioni

Kjo kontratë rregullohet nga ligjet e Republikës së Kosovës. Çdo mosmarrëveshje që lind nga kjo kontratë do të zgjidhet nga Gjykata kompetente në Ferizaj.