Mirë se vini në platformën tonë të Telemjekësis në Kosovë, ku teknologjia takon kujdesin shëndetësor për të sjellë një përvojë të re dhe të avancuar mjekësore.

Kush jemi ne?

Ne jemi një ekip i përkushtuar profesionistësh që bashkëpunojmë për t'ju ofruar shërbime të besueshme dhe efikase të Telemjekësis. Ideator dhe themelues i kësaj platforme është Orland Zeqiri, i cili përkujdeset që çdo aspekt teknologjik të funksionojë në mënyrë të përsosur. Me një përvojë të thellë në IT, Orlandi garanton që çdo vizitë virtuale dhe çdo ndërveprim në platformë të jetë funksional dhe i sigurt.

Ekipi ynë:

Orland Zeqiri - Themelues dhe Menaxher i IT-së

Me përvojën e tij në teknologji dhe menaxhimin e projekteve IT, Orlandi siguron që sistemi ynë të jetë gjithmonë funksional dhe i azhurnuar me standardet më të larta.

Gojart Neziri - Kujdesin ndaj Pacientëve dhe IT

Gojarti është një anëtar kyç i ekipit tonë të Telemjekësis, duke mbuluar dy fusha të rëndësishme: Kujdesin ndaj Pacientëve dhe Teknologjinë e Informacionit. I përkushtuar për të siguruar që çdo Pacient të marrë mbështetjen që meriton.

Votim Parllaku - Doktor i Mjekësisë

Dr. Votim është Doktor i Mjekësisë, i licencuar nga Ministria e Shëndetësisë, me një përvojë të pasur në fushën e tij. Ai do të jetë përgjegjës për ofrimin e shërbimeve mjekësore në platformën tonë. Dr. Votim është i përkushtuar për të siguruar kujdesin më të mirë shëndetësor për pacientët tanë, duke u mbështetur në ekspertizën dhe përvojën e tij të gjerë.

Jeton Rexhepi - Financa

Jetoni është financieri ynë i talentuar, i cili menaxhon me përpikëri të gjitha aspektet financiare të platformës. Me një përvojë të gjatë në financa, Jetoni është i angazhuar për të siguruar që çdo operacion financiar të kryhet me saktësi dhe transparencë të plotë, duke garantuar stabilitetin financiar të platformës dhe shërbime të qëndrueshme për Pacientët tanë.

Liridon Zeqiri - Jurist

Liridoni, juristi ynë, kujdeset për të gjitha çështjet ligjore duke siguruar që të gjitha operacionet tona të jenë në përputhje me rregulloret dhe ligjet në fuqi. Ai ka përvojë të gjerë në fushën e drejtësisë dhe siguron që të drejtat dhe interesat e pacientëve tanë të mbrohen plotësisht.

Misioni ynë

Në platformën tonë të Telemjekësis, ne jemi të përkushtuar për të ofruar kujdes shëndetësor cilësor dhe të arritshëm për të gjithë në Kosovë. Prioriteti dhe synimi ynë kryesor është që sektori privat në Kosovë të ketë një kujdes shëndetësor më të mirë. Sektori privat është motori i një shteti, duke qenë një faktor kyç në zhvillimin ekonomik dhe social.

Ne besojmë se duke ofruar shërbime shëndetësore të avancuara dhe të lehta për t'u përdorur, mund të kontribuojmë në përmirësimin e shëndetit dhe mirëqenies së të gjithë punonjësve dhe familjeve të tyre. Ne dëshirojmë që të gjithë të kenë akses në Telemjekësi me një çmim të përballueshëm, duke siguruar që çdo individ të marrë kujdesin shëndetësor në nivel.

Nëpërmjet inovacionit dhe përkushtimit, ne synojmë të ndihmojmë në përmirësimin e sistemit shëndetësor, duke ofruar zgjidhje që mbështesin dhe plotësojnë mjekësinë tradicionale. Telemjekësia nuk e zëvendëson kujdesin tradicional mjekësor, por e plotëson atë duke siguruar një qasje të lehtë dhe të shpejtë për këshilla dhe trajtime mjekësore.

Jemi të përkushtuar të ofrojmë shërbime që plotësojnë nevojat e të gjithëve, duke siguruar që të gjithë qytetarët të kenë mundësinë të përfitojnë nga teknologjia e fundit në kujdesin shëndetësor.

Vizioni

Ne besojmë në një të ardhme ku kujdesi shëndetësor është i aksesueshëm për të gjithë dhe i ofruar në kohë reale. Platforma jonë synon të bëhet udhëheqëse në fushën e Telemjekësis në Kosovë, duke ofruar shërbime të cilësisë së lartë dhe duke vendosur standarde të reja në kujdesin shëndetësor virtual.

Faleminderit që na besoni dhe jemi të lumtur t'ju shërbejmë!